基督教信義會平安堂

故事的開始 劉立仁教師   2021/10


  大概,我們每位弟兄姊妹,都總是由另一位邀請/引領我們來到平安堂的……

  「喂,今個星期四係學校假期,跟我返教會玩吖。」

  「我哩,最近去咗個地方,可以識到啲新朋友,都好多女仔㗎,又可以學樂器,一齊吖。」

  「我哋都拍咗拖一段時間,豬豬,我都想你有機會識吓我教會啲朋友,咁啱禮拜六晚我哋一齊喺教會打邊爐,到時你買啲靚肥牛,一兩磅都夠喇,同我一齊去啦。嗱,上次我喺場邊睇你踢咗兩個鐘波,你冇理由拒絕我啦。」

  「唉,我哩都蒲咗咁多年,有少少悶喇,前排我跟個同事去咗附近鴻圖道有座嘢裡面搞嘅Lunch Gathering,嗰日有條友講啲點樣喺13嗰次大熊巿損手爛腳破埋產,後尾身體仲瀨咗嘢……後嚟話信咗耶穌乜乜物物,am,總之條友幾有Point,我都幾認同。後尾我都跟我個同事返咗教會,計落都返咗兩個幾月有多喇,聽多咗、知多咗噉囉,Well,你都試吓跟我去一次吖,當食餐頹飯囉。」

>  「係囉,我老公以前都係噉㗎,不過佢而家跟咗我返教會,個人唔同咗喇,冇咁多喺人面前大聲喝我喇,喺屋企對住我同阿女啲脾氣都細咗好多,我都祈咗好耐禱,先見到改變……,不如,陳太你都試吓返,同吓我哋嗰位牧師傾吓計吖。」

  這些對白,或許刻劃了那人在平安堂成長故事的第一幕「忽然的邀請」。而我們總不會知道,神會如何寫完那人的故事,而你又能見證到哪幾幕。

  未必需要能正確解釋福音內容,不一定外向主動有流利口才作為先決條件,更毋須你本身已敬虔萬分每天讀經、禱告兩小時,或者深深覺得自己是天選之人、渾身皆流著佈道者熱誠的血才有資格作出邀請。同時,只要一顆「想對方好嘅心」,簡約真誠地禱告「神啊,我想佢認識祢,求祢感動佢啦!阿們。」再直接在你認為合適的時機場合去邀請。誰知道你這個對對方而言可能的確是「忽然」的邀請,會否正正配合了神在你親友、同學、同事身上的時間表?!著實,或許唯有你,才能被神使用,去邀請到你的親友、同學、同事來認識神。因為只有你才認識他/她,有已經建立了的關係和信任。

  往往更多時間,是我們內心認為「未係時間哩」、「佢唔會嚟豲漶v、「嗌過喇,以前」、「佢依種人點會返教會吖」、「算啦,都幾廿歲人,唔做依啲嘢喇,大家尷尷尬尬噉」……不經不覺甚至幾乎等於說「神啊,我都想佢信主嘅,不過,你搵第二個人,喺另一個場合叫佢信主啦。」內裡不期然「代對方拒絕了神」。

  當然,若有更完備的佈道訓練、神學裝備、人際技巧提昇……能幫助我們更有效、似乎有更多把握去邀請和傳福音;然而,最要緊的是在禱告中支取神所賜給我們的信靠,並種植在我們內心對對方的愛,還有因著這份信靠和愛而有的行動力。

  你身邊的親友、同學、同事在神裡面成長故事的第一幕「忽然的邀請」,你願為一份子嗎?


 

 

back.gif (6166 bytes)